NOMINASYON SA YAMAN AWARDS BUKAS NA

Bukas na sa pagtanggap ng mga nominasyon para sa ika 5 taon ng Yaman Awards na gaganapin sa buwan ng July 2009 kung saan ginaganap ang taonang Yaman Gensan.

Sa pahayag ni Joaquin Tiongco ng City Economic Management & Cooperative Development Office sa nakaraang Press Conference ni Mayor Acharon, patuloy pa rin ang pagbibigay ng karangalan sa mga matagumpay mamumuhunan ng syudad.

Pitong awards na kinabibilangan ng apat na regular awards na Entrepreneur of the Year( Juridical & Single Proprietors), Employer of the Year, Product Innovator of the Year, at special awards na Loyal Company of the Year, Local Tax Paper of the Year, at Emerging Entrepreneur ang papangalanan ngayong taon.

Samantala napili na ang grupo ng selection team na pipili sa mga karapat dapat na maging recipient ng award ngayong taon. Ito’y kinabibilangan nina Mr. Ismael Salih ng Phil Export, Mr. Orman Manansala ng City Bankers Association of General Santos, Mr. Patricio Blanza ng Department of Labor and Employment, Bro. John Tan ng Notre Dame of Dadiangas University, at Bro. Efren Reyes Bread of Life Ministries.

Magiging bahagi na din ng taonang parangal ang Sycip, Gorres & Velayo Accounting firm kasama si Ms. Alicia Lu upang masiguro na mapangalagaan ang integridad ng nasabing parangal.

Ang mga magwawagi sa Special Awards na Loyal Company of the Year, Local Tax Paper of the Year, at Emerging Entrepreneur ay makakatanggap ng P50,000 at tropeo samantalang P100,000 at tropeo para sa Entrepreneur of the Year( Juridical & Single Proprietors), P80,000 at tropeo para sa Employer of the Year, at P60,000 at tropeo para Product Innovator of the Year.

Tulad nong nakaraang taon inaasahan na mas magiging grandyoso at matagumpay ng pagbibigay parangal at patuloy na pinagsisikapan ng local na pamahalaan sa pamamagitan ng CEMCDO na parangalan at mabigyang halaga ang malaking kontribusyon ng business community sa pag unlad syudad. CPIO- ALJV 03/26/09