WALA PANG INILABAS NA BAGONG PRANGKISA – MTFRB Gensan

Wala pang bagong prangkisang ibibigay ang local na pamahalaang panlungod ng Heneral Santos, ito ang naging pahayag ni Ernesto Castaneda, Action Officer ng Motorized Transportation Franchizing & Regulatory Board (MTFRB) sa ginanap na press conference sa city hall.

Ito’y matapos kumalat ang impormasyon na meron daw mga bagong prangkisang inilabas ang MTFRB. Niliwanag ni Castaneda na maaring ang mga transfer of franchise ng tinutukoy sa nasabing usapin sapagkat may mga prangkisang inilipat sa mga bagong may ari ng traysikel ng dati ng may prankisa ang nareles kamakailan.

Sa kabuuan umabot na sa 5,300 na mga tricycle ang nabigyan ng prangkisa ngunit 3,209 nakapag renew. Higit 1,392 ang hindi nakapag renew at kasalukuyang inaantay ng MTFRB kung silay magproseso pa ng kanilang renewal ng prangkisa.

Maliban dito umabot na din sa 1,515 na tricycle sa syudad na berde ang plaka kung kayat pag ito’y ginamit para pumasada ay illegal ito. Kaya naman nananawagan ang MTFRB na sundin ang nilagdaang Affidavit of Purpose ng notaryado ng abogado at pinirmahan ng may ari ng tricycle.

Ang paglabag sa nasabing affidavit ay nangangahulugan ng pagbabaliwala ng may ari ng tricycle na walang prangkisa at maari silang huluhin ng LTO.

Sa kabilang dako sinisikap naman ng lokal na pamahalaan na matapos na zoning scheme at maipatupad ito sa lalong madaling panahon. CPIO-ALJV 03/26/09